I dah ken aboot you, but fan the winter festival time comes aroond, een o' my favourite pastimes oan the job is tae ging roond an' see fit folk hae been pittin up on or ootside their hooses in the wiy o' Xmas decorations. Aye, Xmas I said.
It iywiz scunners me 'at the guid folk o' the sink estates seem to hae a puckle o' siller left in the bankie to spend on feel inflatables and hunnerds o' lichties emitting a carbon footprint visible fae the ISS.
I hae started a competition amongst my colleagues tae undertake a Phase B search tae find the worst excesses. There is a clear leader already wi' a 30 foot tree in a garden wi' tinsel (aye tinsel!) and a flashing star on the top, an' lichties a' oer. Jist to ram the pint hame, the same folk hae put up mair lichties a' oer the gable end o' the hoose. I hanna had the chance tae ging roon the front tae see fit delights await me yonder.
I wis considering takkin my camera wi' me on nichts jist tae record a' the worst eens and get a snap o' the hale hoose aforementioned, but 'at wid be surveillance an' I hanna had time tae pit in the necessary forms!
Please feel free to join in the competition! Jist mind the paperwork first, min.
© Mr Plod
Published by Toy Town™ Times
Now is not the time
5 days ago